Վարդենիսի Էդ.Պողոսյանի անվան N 2 հիմնական դպրոց

ՍՈՒՐԲ ԼԻՆԻ ԱՆՈՒՆԸ ՔՈ

Հաղթանակն էլ է մերը, ցավն էլ: Մեկը համընդհանուր բերկրանք է պատճառում,մյուսը՝ համընդհանուր ցավ: Արցախի ազատագրության շարժման, մեր հայրենիքի անկախության և կայացման , սահմանների պաշտպանության սուրբ գործում որքան հերոսներ տվեցինք, որքան զոհեր տվեցինք: Միայն Վարդենիսի տարածաշրջանն ազատություն ու հաղթանակ կրող շուրջ հիսուն անմոռաց նահատակներ, որոնք դարձան հայրենիքի նվիրվածության մի-մի վառ օրինակ:Նրանցից մեկն էլ Վարդենիս քաղաքի թիվ 2 միջնակարգ դպրոցի շրջանավարտ Էդվարդ Պողոսյանն է, որ հրազատ դպրոց է վերադարձել հերոսացած ու սրբացած :
1994 թվականն էր ,ձմռանը:Օդը սառն էր, չարակամ մարդու սրտի պես, չհանդուրժող ու մահաբեր, ինչպես թշնամին: Հակառակորդը Քելբաջարի կողմից հասել էր Վարդենիսի սահմանները: Թիկունքում հայրենիքն էր, հարազատ քաղաքը,հարազատները: Իսկ թշնամին ընդհուպ մոտեցել էր Սոթք գյուղին:Նահանջե՞լ :Երբեք:Նահանջը հավասարազոր էր պարտության: Դա քաջ գիտակցում էին ոչ միայն սահմանների պաշտպանները , այլև մինչև ատամները զիված հակառակորդը :Եվ մեր տղերքը , որ թվով քիչ էին, կարող էին ետ քաշվել,դիրքն ու տեղանքը փոխել, խուճապի չմատնվեցին: Բայց այդպիսի հրաման չկար ու չէր էլ կարող լինել: Հրաման ստանալու ժամանակ էլ չկար: Յուրաքանչյուր րոպե թանկ էր , օրհասական ու բախտորոշ:Նման պայմաններում հաղթում է նա, ով կամքով արի է ու հայրենասեր: Եվ մեր տղերքից յուրաքանչյուրը կռվում էր տասի, քսանի փոխարեն:Վերջիվերջո ահաբեկված , թվով անհամեմատ գերազանցող թշնամին, ինքը, խուճապի մատնվելով ու զոհեր տալով, սկսեց նահանջել:
Ինչպես իր մարտական ընկերները,Էդվարդը կռվում էր քաջաբար, որպես իսկական հերոս,որ կրծքի տակ կրում էր ավելի շատ հայրենիքի սերն ու ցավը, քան թշնամու դեմ տածած ատելությունը: Զինակիցները հետո կպատմեն,որ Էդվարդն իր սառնասրտությամբ ու քաջագործություններով ոգևորում էր իրենց, անվախ էր ու քաջ , ինչպես կռվում քաջ ու անվախ են եղել պապն ու հորեղբայրը՝ Սահակ և Գարսևան Պողոսյանները:Նա իր հմուտ, խելացի և հաշվենկատ գործողություններով անսպասելի անակնկալներ էր մատուցում թշնամուն՝ ոգեկոչելով նախնյաց փառահեղ ավանդները:
Սահմանը մնաց անձեռնմխելի:Երբ վտանգը ,կարծես,արդեն վերացել էր , մի մոլորված գնդակ կպավ ճակատին, և Էդվարդը ընկավ հնձված ,ճկուն ու մատղաշ հասկի ցողունի պես: Ճերմակ ձյան վրա հեղված արյունը կարմիր ձեռագրով պատմում էր, որ Էդվարդ Պողոսյանը ,զոհաբերելով իր կանաչ կյանքը,հետագայում դասվելու է հայրենիքի ազատության համար հավերժ իրենց գլուխը դրած սուրբ հերոսների թվին:
Վարդենիսի թիվ 2 միջնակարգ դպրոցն արդեն իսկ կրում է իր երեկվա սան քաջարի Էդվարդ Պողոսյանի անունը: Անուն , որով կոչվելը մեծագույն շնորհ ու պատիվ է դպրոցի, ընդհանրապես նրա յուրաքնչյուր ուսուցչի ու աշակերտի,մասնավորապես մխիթարանք ու հպարտություն Էդվարդի ուսուցչուհիներից մեկի՝ մոր՝ Սիրուն Խլոյանի համար: Կրթօջախի կենտրոնական սրահում կա մի մեծ վահանակ,որի նյութերը պատմում են Էդ.Պողոսյանի կարճատև ,բայց սխրալից կյանքի մասին:Վահանակի մոտ դասարաններով լուսանկարվելը դարձել է պատիվ, պահանջ ու սովորույթ: Օրերս մանկխորհուրդը ՝տնօրեն Աշոտ Բարսեղյանի ղեկավարությամբ ,քննարկեց Էդ.Պողոսյանի հերոսացման տարելիցին նվիրված անցկացվելիք միջոցառումների պլանը:Ստեղծվեց հինգ հոգուց բաղկացած հանձնաժողով,որը կղեկավարի և կհամակարգի մեծարման արարողությունները: Ներկայումս անց է կացվում դասարանական պատի թերթերի լուսընծայման տասնօրյակ՝ նվիրված Էդ.Պողոսյանին: Խրախուսվելու են լավագույն պատի թերթերը: Ի դեպ,մի շարք դասարանների պատի թերթերն ուշադրություն են գրավում իրենց հարուստ ու բովանդակալից հրապարակումներով , ոգեշնչող ու հուզաթաթավ խորագրերով:Հիշողությանս մեջ երկար կմնա դրանցից մեկը՝ ,,Սուրբ լինի անունը քո՛՛:
Նոնա Վարդանյան
Վարդենիսի Էդ.Պողոսյանի
անվան թիվ 2 միջն.դպրոցի
փոխտնօրեն
Հոդվածը տպագրվել է Գեղարքունիք թերթի 11.03.1998թ. N 5 համարում

posted by vardenis2 in Չդասակարգված and have Մեկնաբանությունները կասեցված են ՍՈՒՐԲ ԼԻՆԻ ԱՆՈՒՆԸ ՔՈ-ում

IV եռամսյակի հաշվետվություն

posted by vardenis2 in Չդասակարգված and have Մեկնաբանությունները կասեցված են IV եռամսյակի հաշվետվություն-ում

2018թվականի բյուջեի նախագծի քննարկում

posted by vardenis2 in Չդասակարգված and have Մեկնաբանությունները կասեցված են 2018թվականի բյուջեի նախագծի քննարկում-ում

2018թվականի բյուջեի նախագծի քննարկում

posted by vardenis2 in Չդասակարգված and have Մեկնաբանությունները կասեցված են 2018թվականի բյուջեի նախագծի քննարկում-ում

2018 թվականի բյուջեի նախագծում համապատասխան քննարկումներից հետո փոփոխություններ չեն կատարվել

posted by vardenis2 in Չդասակարգված and have Մեկնաբանությունները կասեցված են 2018 թվականի բյուջեի նախագծում համապատասխան քննարկումներից հետո փոփոխություններ չեն կատարվել-ում

3-րդ եռամսյակի հաշվ.

posted by vardenis2 in Չդասակարգված and have Մեկնաբանությունները կասեցված են 3-րդ եռամսյակի հաշվ.-ում

2018 թ.նախնական նախահաշիվ

naxahaschivDP -2018

posted by vardenis2 in Չդասակարգված and have Մեկնաբանությունները կասեցված են 2018 թ.նախնական նախահաշիվ-ում

Հաշվետվություն I կիսամյակ

Scan10001 Scan10002 Scan1

posted by vardenis2 in Չդասակարգված and have Մեկնաբանությունները կասեցված են Հաշվետվություն I կիսամյակ-ում

Scan10002 Scan1 Scan10001Scan1Scan10002

posted by vardenis2 in Չդասակարգված and have Մեկնաբանությունները կասեցված են -ում

<>

                                

                             <<Թումանյանի հետ և առանց Թումանյանի…>>

Սույն թվականի մարտի 17-ին <<ՀՀ Գեղարքունիքի մարզի Վարդենիսի Էդ.Պողոսյանի անվան N 2 հիմնական դպրոց>> ՊՈԱԿ-ում  կայացավ հերթական բաց դաս-միջոցառումը՝ նվիրված  Ամենայն հայոց բանաստեղծին:

Ձեռնարկի հեղինակը մայրենի լեզվի և գրականության վաստակաշատ ուսուցչուհի Մելանյա Պետրոսյանն էր, մասնակիցները՝ 8բ   դասարանի աշակերտները:

Դասասենյակի  ողջ մթնոլորտը  հագեցած էր  Թումանյանական  շնչով . ամենուրեք   Մեծ լոռեցու գրքերն  էին, լուսանկարները, նրա մասին  հնչած մյուս մեծերի կարծիքների պաստառները:

Միջոցառումը սկսվեց  ուսուցչուհու  նախաբան խոսքով, որին  հաջորդեցին  սովորողների  ՝  գիտական , գեղարվեստական ՝ շատ հուզական  և արտիստիկ ելույթները:

Նրանք դրվագ առ դրվագ ներկայացրեցին  բանաստեղծի  կենսագրությունը  և դրան զուգահեռ` նրա  ստեղծագործական  Աստվածատուր ընթացքը: Ներկայացվեց  հասարակական-քաղաքական գործիչ, խոսքի  մեծ վարպետ, մանկագիր, արձակագիր, հոգեբան ու դաստիարակ, քրիստոնյա և  վերջապես ՝  Մեծ Հայ   ու ՄԱՐԴ Թումանյանը:

Այս ամենը սովորողները հանդիսատեսին հրամցրին նաև երբեմն-երբեմն  ընդմիջող հեզաճկուն պարերով , մաքուր երգեցողությամբ և քանոնի ու ջութակի կենդանի երաժշտության իրենց կատարումները:

Այնուհետև եղան  <<Անուշ>> և <<Թմկաբերդի առում>> պոեմներից հատվածական բեմադրություններ:

Շա՜տ  տպավորիչ էր միջոցառման <<Հարցազրույց Թումանյանի հետ >> մասը, երբ սովորողները խորհրդանշական կերպով զրուցում էին  բանաստեղծի կերպարը <<առած>>  աշակերտի հետ:

Միջոցառումն  ավարտվեց  <<Հետաքրքիր է… >>  խորագիրը կրող  վերջաբանով , որի ժամանակ  աշակերտները հիշում էին  բանաստեղծի ՝ որպես ամուսին, հայր, հարևան , թամադա, ընկեր  ու պարզապես ՝   <<Աստվածային  տիեզերքում  ճամփորդ մարդու>>   կյանքին  առնչվող շատ  հետաքրքիր,  խոհափիլիսոփայական , երբեմն էլ զվարճալի դեպքեր:

Դաս- միջոցառումը ունկնդիրների ՝ տնօրինության, հյուրերի, սովորողների  կողմից  գնահատվեց  որպես  դաստիարակչական մնայուն արժեք:

Փոխտնօրեն՝    Նոնա Վարդանյան

 

posted by vardenis2 in Չդասակարգված and have Մեկնաբանությունները կասեցված են <>-ում

ԽՈՍՔ ՀԻՇԱՏԱԿԻ

ԽՈՍՔ    ՀԻՇԱՏԱԿԻ

2017թ. փետրվարի 28-ին  ՀՀ Գեղարքունիքի մարզի Վարդենիս քաղաքի Էդ.Պողոսյանի անվան    N 2 հիմնական դպրոցի մանկավարժները, աշակերտները ,հարազատներն ու համաքաղաքացիները խոր ցավով և կսկիծով հրաժեշտ տվեցին  դպրոցի նախկին սան,հետագայում  սիրված  ու հարգված մանկավարժ  Նարինե Սպարտակի Ավետիսյանին (Աբգարյանին):

Նարինե  Ավետիսյանը (Աբգարյանը) ծնվել է  1966թ. ապրիլի 17-ին, Վարդենիսում : Տեղի N 2 միջնակարգ  դպրոցն  ավարտելուց հետո ընդունվել  և ավարտել է ԵՊՀ-ի  <<Մեխանիկա-մաթեմատիկական>>  ֆակուլտետի <<Մաթեմատիկա>> բաժինը: 1988թ-ին իր՝ մանկավարժի նվիրական ու սիրելի աշխատանքը նա սկսել է  Վարդենիսի N4 միջնակարգ   դպրոցից: Աշխատելու  հենց առաջին  տարիներից Նարինե Ավետիսյանը  աչքի է ընկել լավ մասնագետի իր վարպետությամբ , իսկական ուսուցչին բնորոշ խանդավառությամբ և մեծ պատասխանատվությամբ:

Այնուհետև, 1997 թվականից սկսած,  Նարինե Ավետիսյանը  աշխատում էր  Վարդենիսի Էդ.Պողոսյանի անվան N2  հիմնական դպրոցում: Նա <<Մաթեմատիկա>> առարկայի մեթոդմիավորման նախագահն էր , հմուտ դասղեկ և սիրված ուսուցչուհի :Նրա վարած յուրաքանչյուր դասը անկրկնելի էր, տպավորիչ,նրա մատուցած գիտելիքը՝ խորը և մնայուն:Ն.Ավետիսյանի աշակերտները այնպես էին սիրում և այնպես կապված էին իրենց սիրելի ուսուցչուհուն,որ դպրոցն ավարտելուց հետո էլ կապ էին պաշտպանում նրա հետ,լսում սիրելի ուսուցչուհու,մտերիմ ընկերոջ խորհուրդներն ու հորդորները: Նա բազմաթիվ միջոցառումների արշավ-էքսկուրսիաների հեղինակ էր:

Ն Ավետիսյանը աչքի էր ընկնում իր մարդամոտ, մարդասեր ,շփվող բնավորությամբ: Գործընկերները  նրա մեջ տեսնում էին լավ բարեկամի և հավատարիմ ընկերոջ:

Նարինե Ավետիսյանի  (Աբգարյանի)՝ հոգատար մոր, երիտասարդ տատիկի և պայծառ ուսուցչի,լավ ընկերոջ  բարձր անունը  երկար կմնա նրան ճանաչողների  սրտերում:

Վարդենիսի N 2 հիմնական դպրոցի տնօրինություն

 

posted by vardenis2 in Չդասակարգված and have Մեկնաբանությունները կասեցված են ԽՈՍՔ ՀԻՇԱՏԱԿԻ-ում